Inis Gjoni refuzohet

Vitet e fundit ka vendosur t’i përkushtohet tërësisht regjisurës. Ia ka
arritur dy vjet më parë të fitonte nga projekti i Ministrisë së
Kulturës, “Fondi publik për Teatrin e të Rinjve”. Dhe Inis Gjoni me
pjesën “Dadot”, të autorit Jorga Shkurti, ia doli mbanë ta vinte këtë
pjesë në skenën e Teatrit Kombëtar dhe më pas edhe në disa qytete të
tjera. Por këtë herë, ajo është refuzuar. Projekti i mundësuar nga
Ministria e Turizmit, Kulturës, Rinisë dhe Sporteve, në bashkëpunim me
Teatrin Kombëtar nuk i ka dhënë “Ok”-in pjesës së saj “Vdekja e një
mbretëreshe”, e shkrimtarit Rexhep Qosja. Por Inisi nuk duhet të
mërzitet, sepse ndodh edhe kështu…