Vietnam, burg arbitrave për fiksim rezultatesh

Nëntë persona janë dënuar me deri 7 vjet heqje lirie

Një gjykatë në Vietnam ka vendosur të dënojë me burgim një grup gjyqtarësh
dhe zyrtarësh të futbollit, pasi i ka shpallur ata fajtorë për marrjen
dhe dhënien e ryshfeteve. Katër nga nëntë të akuzuarit u dënuan me 4
deri në 7 vjet dhe mes tyre ishte edhe gjyqtari i FIFA-s, Truong The
Toan. Pesë të akuzuarit e tjerë u dënuan me dy deri në tre vjet heqje
lirie. I përfshirë në skandalin e fiksimit të ndeshjeve ishte edhe
gjyqtari tjetër i FIFA-s, Le Van Tu. Të dënuarit kanë përfituar qindra
dollarë, për të favorizuar klube të caktuara. Që prej fillimit në vitin
2000/01 në kampionatin e këtij vendi flitej për shitje ndeshjesh.