Limitet E Mendjes Njerezore

Titulli: Limitet E Mendjes Njerezore Tue Aug 07, 2007 7:21 pm

LIDHJA MENDJE-TRUP

Ç'ndikim ka mendja te trupi? Po trupi te mendja? Pikëpyetje
të cilat shkenca i ka shtruar prej shekujsh, pa arritur në një
shpjegim të pranueshëm. Pavarësisht progreseve gjigande, të
kryera nga hyrja në skenë e neuroshkencave gjatë dy dekadave
të fundit, shumë fenomene mbeten të mbuluara nga
misteri edhe për mjekësinë

Titulli: Re: Limitet E Mendjes Njerezore Tue Aug 07, 2007 7:24 pm

INTUITA

Shqisa e gjashtë, bindja e pashpjegueshme dhe e pavetëdijshme mbi diçka të
caktuar, si të ishte një teoremë matematike, mbi të cilën nuk kemi kurrfarë dyshimi.
Mes mekanizmave të shumta psikike, shkenca nuk arrin të japë përgjigje të pranueshme
as mbi intuitën. Për Platonin bëhej fjalë për kujtime dijesh nga jetë përpara
asaj aktuales. Por Platoni besonte në kalimin e shpirtrave nga një trup te tjetri, kështu
që filozofi i madh nuk mund të renditet bashkë me shkencëtarët të cilët mbeten me
gojë hapur, përpara intuitave, nga ato më të kotat, deri te ato matematiket

Titulli: Re: Limitet E Mendjes Njerezore Tue Aug 07, 2007 7:25 pm

ZHDUKJET E MISTERSHME

Në rastet për të cilat shkenca nuk është në gjendje të japë
përgjigje, hyjnë edhe ato të njerëzve të zhdukur. Kur as edhe vetë
segmentet shkencore të policive nuk arrijnë në përfundime të
sakta, as shkenca nuk është në gjendje të ofrojë përgjigje të
pranueshme. Dhe flasim për segmente shkencore të pajisura me
mjete avangardë, të cilat shpesh për nga shkalla e lartë e modernizimit
lënë pas shumë laboratore shkencore

Titulli: Re: Limitet E Mendjes Njerezore Tue Aug 07, 2007 7:26 pm

DEJA-VU

Ndjesi që e ke përjetuar edhe më parë një përvojë të caktuar, se e
ke parë një vend ku nuk ke qenë kurrë, se ke dëgjuar prej kohësh
një muzikë të re, ose, e thënë në frëngjisht "Deja-vu". Kërkimet
shkencore kanë gjetur një seri justifikimesh lidhur me fenomenin,
por nuk kanë arritur kurrë të japin përgjigjet për shkaqet e vërteta
dhe natyrën e tij

Titulli: Re: Limitet E Mendjes Njerezore Tue Aug 07, 2007 7:28 pm

PERCEPTIMET EKSTRASHQISORE

Janë të panumërta përpjekjet për të provuar vlefshmërinë e aftësive ekstrashqisore,
që të gjitha pa kurrfarë suksesi apo rezultati pozitiv. Por në të njëjtën
mënyrë ka qenë e pamundur edhe demonstrimi i falsitetit të këtyre përvojave,
duke i futur kështu në sirtarin e të pazgjidhshmeve. Ka shumë të ngjarë që
aftësia për të parathënë të ardhmen, apo funksionimi i "fuqive psikike" të mos
arrihet të shpjegohet përmes instrumenteve që na vë në dorë shkenca