Katastrofat e urave në 100 vitet e fundit

N ë 1 gusht, në Mineapolis të Shteteve të Bashkuara të
Amerikës ndodhi një nga tragjeditë që do të mbahet mend
gjatë. Nga shkaqe ende të pashpallura zyrtarisht, ura mbi lumin
Misisipi, në pikun e trafikut, u shemb në mënyrë tragjikisht
spektakolare, duke marrë jetë njerëzish dhe duke tmerruar
shumë të tjerë, ata që shpëtuan, por edhe ata që asistuan në
pamjet e jashtëzakonshme. Për më shumë se gjysmë ore,
koha që ka zgjatur tmerri, copa të mëdha çimentoje, pllakash e
makinash kanë rënë në ujërat e lumit. Ura me moshë 40-
vjeçare, që lidh një hapësirë rreth 2 kilometra, do t‘i nënshtrohej
këtë vjeshtë një inspektimi të imtësishëm teknik. Për guvernatorin
e Minesotas, katastrofa ishte e përmasave kombëtare. Por,
sigurisht në historinë e tragjedive të shembjeve të urave ajo nuk
është as e vetmja, as më e madhja. Ja disa nga shembjet më
me pasoja të 100 viteve të fundit në botë.