THASHETHEME VIP-ash.

thashetheme te vogla mbi vipat si ata shqiptare ashtu edhe ata te huaj..

Një lajm i keq vjen për Kate Moss. Top modelja angleze, ashtu siç
shpjegon dhe “Daily Mail” është tradhëtuar nga i fejuari i saj Pete
Doherty. Ajo e ka kapur teksa flirtonte me një modele afrikane e
quajtur Lindy. Pete ka qenë i shoqëruar me të në “Crystal Club” nën
shoqërinë e dy vajzave ndërkohë që prej ditësh nuk I përgjigjej
telefonatave të të fejuarës Kate. E shqetësuar që nuk po mësonte gjë
prej tij, ajo nis ta kërkojë dhe burimet e çojnë drejt vendit ku Pete
qëndronte me dy vajzat. Mjaft e tronditur Kate Moss ka lënë menjëherë
Londrën për t’iu drejtuar Parisit sëbashku me vajzën e saj Lila Grace.
Mësohet se Pete e ka kërkuar me ngulm rikthimin e Moss në Londër por
duket se kjo e fundit ka vendosur të ndërpresë çdo lidhje me të. “Jam
shumë e shqetësuar. Po mundohem të ruaj qetësinë vetëm për hir të
vajzës time”- ka thënë Moss.

Është shumë e vështirë të jesh pjesë e grupit Pussycat Doll, por kjo
nuk më bën të ndryshoj imazhin tim”.- Kështu është shprehur Nicole
Scherzinger e cila shprehet se është e frikësuar nga momentet që po
kalon kohët e fundit. “Kam dëgjuar shumë që djemtë janë të frikësuar
prej meje dhe një pjesë e mirë e tyre nuk duan të më afrohen. Vërtet
jemi shumë të impenjuara dhe shpesh herë na duhet të tregojmë anën tonë
të egër, unë nuk jam e tillë”- thotë ajo duke iu drejtuar në formën e
një mesazhi të gjithë meshukjve. Nicole shton se në jetën e përditshme
është tip shumë sensual dhe e ndjeshme, shkon mirë me të gjithë miqtë
dhe të gjithë e vlerësojnë. Në kohën e pushimit apo në fundjavë
këngëtarja mundohet të rekuperojë stresin e gjatë gjithë javës duke
kaluar orë relaksi në bregdet.

E bukur, seksi dhe për më tepër joshëse. Kjo është pamja që Pamela
Anderson do të sjellë sërish për publikun në një tjetër serial të
telefilmit Baywatch. Këtë rradhë telefilmi merr një tjetër emër dhe
titullohet “Malibu”. Anderson pritet të nxjerrë edhe një herë tjetër më
në pah fizikun e saj me linjat perfekte dhe për më tepër gjoksin të
realizuar më së miri me silikon. Nuk dihen ende personazhet që do ta
shoqërojnë atë në “Malibu” por ajo që mbetet e sigurt është kontrata që
“bjondja e bregdetit” ka nënshkruar me stafin realizues. Pak ditë më
parë kujtojmë se Pamela Anderson mbushi 40 vjeç, ditëlindje që e festoi
në mënyrë spektakolare me miqtë dhe të afërmit e saj.

Të jesh personazh VIP duhet të tregohesh më së shumti i kudjesshëm në
daljet publike. Arsyja? Për të shmangur një telash, një thashethem apo
një siklet më pak. Gjatë interpretimit në “Videofest” muzikor të
zhvilluar në 23 Prill të këtij viti, këngëtarja nga Kosova Genta
Ismalji është mirëpritur nga publiku, i cili duket se ka qënë më i
vëmendshëm se vetë ajo. Mesa duket publiku ka qënë i vetmi që ka vënë
re një gjë jo fort të këndshme, Gentës i është zbërthyer zinxhiri i
pantallonave, një detaj ky vetëm estetik pasi asgjë jashtë normalesh
nuk arrihej të dallohej. Në fakt në videot e publikuara në internet nuk
vihet re dukshëm një gjë e tillë, përvecse lëvizjeve “bellydance” të
saj.