Nga Bota

Zhvillimet politike nga Bota

CIA hap arkivat sekrete

CIA po nxjerr nga raftet e arkivave një sasi të madhe dosjesh të mbajtura sekret deri tani. As më shumë e as më pak bëhet fjalë për nxjerrjen në sy të botës të teshave të palara, një sasi voluminoze dokumentacioni mbi dhjetëvjeçarë të tërë aktiviteti të fshehtë të agjencisë amerikane të spiunazhit. Do të mësohen detaje të hollësishme mbi përpjekjet për eliminimin fizik të armiqve më të mëdhenj të Amerikës, siç janë Fidel Kastro, Patrik Lumumba (ish-kryeministri i Republikës së sapolindur të Kongos), apo Rafael Leónidas Trujillo (ish-diktatori i Republikës Domenikane). Gjithashtu do të hidhet dritë mbi testet e shumëpërfolura mbi kaviet njerëzore, të cilat u janë nënshtruar eksperimenteve me droga nga më të çuditshmet për shpëlarjen e trurit. Njerëzit do mund të mësojnë mbi kontrollin e imët të çdo lloj korrespondence mes Shteteve të Bashkuara, ish-Bashkimit Sovjetik e Kongos, mbi operacionet e spiunazhit në vendet e tjera, mbi ndjekjen nga afër të gazetarëve, politikanëve e krerëve të shteteve.

"Bëhet fjalë për dokumente shumë të sikletshme, por tani nuk jemi më agjencia e dikurshme", tha me këtë rast Langley Michael Hayden, shefi i agjencisë së shërbimeve sekrete amerikane. Dosja, e cila prej vitesh ka qenë ëndërr për historianët, gazetarët, mbështetësit e teorive të komploteve të organizuara nga shteti amerikan, do të përmbajë dokumentacion të shtrirë në mjaft fusha. Aq sa ka ngjallur në mënyrë të menjëhershme edhe interesin e ekspertëve evropianë, siç është për shembull rasti i specialistëve italianë të Antimafias, të cilët e shohin si një mundësi mjaft të mirë për të mësuar diçka mbi lidhjet e mafies italiane me CIA-n.

Materiali i deklasifikuar nga agjencia amerikane e shërbimeve sekrete do të publikohet javën e ardhshme në faqen e internetit të CIA-s, ndërkohë që Arkivi i Sigurisë Kombëtare i Universitetit "George Washington" ka publikuar prej ditësh një paketë tjetër tekstesh, që dokumentojnë panikun që përfshiu administratën e Presidentit Ford, kur të ashtuquajturit "skelete në dollap" (përkufizim i përdorur nga Bill Colby, ish-drejtor i CIA-s) nisën të shfaqeshin në faqet e shtypi pasi kishin dalë në mënyrë mjaft misterioze nga arkivat sekrete.

Një artikull i Seymour Hersh, gazetar i së përditshmes amerikane "New York Times", publikuar në dhjetor të vitit 1974 mbi infiltrimin e agjentëve të CIA-s në brendësi të lëvizjeve pacifiste, ishte vetëm "maja e ajsbergut". Artikulli kishte vënë në lëvizje menjëherë sekretarin e atëhershëm të shtetit amerikan, Henry Kissinger, i cili, siç mësohet nga shënimet që janë mbajtur gjatë një takimi të tij kokë më kokë me Presidentin Gerald Ford, diskutoi gjatë me eprorin duke shqyrtuar me kujdes edhe mundësinë për pushimin nga puna të drejtorit të agjencisë, Bill Colby, pasi ky i fundit kishte kërkuar një hetim të detajuar të shkeljeve që ishin bërë në të shkuarën. Henry Kissinger e kishte paralajmëruar Presidentin që, në rast se operacione të tjera do të rridhnin e do publikoheshin në faqet e shtypi, do pasohej me gjakderdhje. Për shembull, Robert Kennedy e drejtoi personalisht operacionin për eliminimin fizik të Fidel Kastros, ndërsa ishte ministër Drejtësie nga viti 1961 në vitin 1964. Duhet shtuar se shumë nga episodet e cituar në këto dokumente tashmë kanë parë dritën e shtypit, apo janë lexuar gjatë audiencave në kongresin amerikan.

Nisma për krijimin e dosierit ishte marrë në vitin 1973 nga drejtori i atëhershëm i agjencisë së shërbimeve sekrete, James Schlesinger, i cili ishte alarmuar nga ato që shkruheshin nëpër gazeta mbi përfshirjen e agjencisë në skandalin "Watergate", protagonisti i të cilit u bë Presidenti amerikan Richard Nixon.

James Schlesinger i kishte grumbulluar episodet dhe të dhënat, disa prej të cilave u përkisnin viteve ‘50, në një dosier, i cili në shtator të po atij viti u trashëgua nga pasardhësi i tij në krye të agjencisë, Bill Colby. Vetëm pas publikimit të artikullit në "New York Times" Hersh u ndje i detyruar t‘ia bënte të ditur ekzistencën e materialit Shtëpisë së Bardhë. Dokumentacioni i publikuar nga Arkivi i Sigurisë Kombëtare i Universitetit "George Washington" përfshin përmbledhjen e një bisede, gjatë së cilës drejtori i CIA-s pranon përpara njerëzve të departamentit të drejtësisë ekzistencën e "skeleteve në dollap".

Operacionet e përshkruara në dosierin e sapodeklasifikuar nisin në vitin 1953, kur kundërspiunazhi i CIA-s nisi të hapte letrat që këmbeheshin nga Shtetet e Bashkuara në Bashkimin Sovjetik e anasjelltas, të cilat kalonin përmes aeroportit "J. F. Kennedy".

Një program i përafërt kësaj here për letërkëmbimet nga Kongo u aplikua mes viteve 1969 e 1972. Colby i tha Presidentit Ford se mes letrave gjendeshin katër që i drejtoheshin aktores pacifiste Jane Fonda, duke i shpjeguar se i gjithë operacioni ishte i jashtëligjshëm dhe që për këtë arsye ishte ndërprerë në vitin 1973.

Mes episodeve të mbetura të panjohura deri në ditët tona, për t‘u veçuar është një program spiunazhi mbi aktivitetin ndërkombëtar të radikalëve dhe militantëve me ngjyrë, falë të cilit agjencia e shërbimeve sekrete grumbulloi të dhëna mbi rreth dhjetë mijë amerikanë, mes tyre edhe politikanë, aktivistë të lëvizjeve për mbrojtjen e të drejtave të njeriu, gazetarë e të tjerë.

Bler pranon detyrën në Lindjen e Mesme

Toni Bler do të jetë i dërguari i ri për paqe në Lindjen e Mesme. Lajmi konfirmohet zyrtarisht nga Organizata e Kombeve të Bashkuara, vetëm pak orë pasi ai i dorëzoi dorëheqjen mbretëreshës Elisabetë e pak orë para se ai të jepte dorëheqjen edhe si deputet. Më herët, Bler kishte deklaruar se një "zgjidhje" për problemet në lindjen e Mesme ishte e mundur, por kjo do të kërkonte intensitet dhe punë të jashtëzakonshme. Bler ka pohuar se detyra është e vështirë, por edhe intriguese, por ai beson se një angazhim i qëndrueshëm në Lindjen e Mesme, ashtu si në Irlandën e Veriut, do të sillte progres. Emërimi i Blerit në këtë post është diskutuar nga përfaqësuesit e SHBA, Kombeve të Bashkuara, Bashkimit Evropian dhe Rusisë, i ashtuquajturi kuartet, që zhvilloi bisedime në Jerusalem. Rusia mendohej se do të kundërshtonte emërimin e tij, por kjo nuk ka ndodhur. Vendi ka mbetur vakant që pasi ish-shefi i Bankës Botërore, Xhejms Ulfenson, dha dorëheqjen prillin e shkuar. Sipas zyrtarëve amerikanë, angazhimi i parë i Blerit është ndihma për autoritetin palestinez në ndërtimin e institucioneve politike. Pozicioni gjithsesi, nuk pritet të fillojë me negociata direkte mes palestinezëve dhe izraelitëve. Pritet që detyra të jetë jo fitimprurëse, por Bler do të ketë një staf të tijin dhe mbështetje logjistike. Për të përmbushur detyrat e tij si i dërguar i paqes, Bler duhet të japë dorëheqjen edhe si anëtar i Parlamentit britanik. Emërimi i Blerit si i dërguar i kuartetit për Lindjen e Mesme, është mbështetur fuqimisht nga Presidenti amerikan, Xhorxh Bush, i cili gjithashtu, në momentet e largimit të aleatit më të ngushtë të tij, shfaqi pikëllim. Duke folur në gazetën britanike "The Sun", Bush e përshkroi Kryeministrin Bler si një personalitet të madh, vite dritë larg atij imazhit të "qenit të butë" që ndjek urdhrat e padronit, siç është vlerësuar shpesh nga shtypi për të nxjerrë në pah nënshtrimin e tij ndaj politikës amerikane.

Putin: Pavaresia e Kosoves kercenon paqen ne Europe



Pavaresia e Kosoves kercenon paqen ne Europe. Kjo deklarate u be nga presidenti I rusise Vladimir Putin gjate nje ceremonie te zhvilluar ne Kremlin. Sipas tij, paqja ne Europe mund te ndertohet vetem duke respektuar integritetin territorial te serbise. Presidenti Rus tha se populli serb po mbron sovranitetin dhe integritetin e tij territorial. Paqja nuk mund te ndertohet ne Evrope, pa marre ne konsiderate parimet themelore te ligjit nderkombetar", tha Putin ne Kremlin. Rusia mbeshtet kundershtimin e Serbise ndaj presionit te perendimit per t’I dhene pavaresi Kosoves.

Sipas Moskes kjo do te krijonte nje precedent qe mund te hape ndonje konflikt te ri. Javen e kaluar, kercenimi rus per veto detyroi shtetet e bashkuara te amerikes dhe bashkimin europian qe t’ia kalonin ceshtjen e Kosoves grupit te kontaktit pasi sipas tyre kjo ceshjte ishte teper delicate. Grupi I kontaktit perbehet nga Shtetet e bashkuara te amerikes, Franca, Italia, Britania e madhe, Gjermania dhe Rusia.

Nderkohe, Ministri I jashtem I serbise Vuk Jeremic deklaroi gjate nje interviste per agjencine e lajmeve AFP se vendi I tij do ta shfrytezoje periudhen e re te negociatave per te gjetur nje zgjidhje qe nuk eshte pavaresi per kosoven. Deklaraten Jeremic e beri perpara takimit qe do te zhvilloje me sekretaren e amerikane te shtetit Kondolesa Rajs. Kjo e fundit ashtu si dhe zyrtaret e tjere amerikane kane deklaruar disa here mbeshtetjen e tyre per pavaresine e Kosoves.