Nga Vendi

Zhvillimet politike nga vendi.

Berisha: Gati të takoj Ramën

Blushi: PD-ja, meqë Topi është popullor, le ta emërojë Kryeministër

Kryeministri Sali Berisha, i cili është njëkohësisht edhe kreu i mazhorancës, ka deklaruar dje në sallën e Parlamentit se është gati të takohet me liderin e opozitës, Edi Rama. "Jam i gatshëm të takoj çdo lider partie pa asnjë përjashtim", është shprehur Berisha. Ashtu siç ishte parashikuar ka dështuar edhe raundi i dytë për zgjedhjen e Presidentit të ri. Mesazhi i dhënë në konferencën e kryetarëve gjatë paradites së djeshme, se negociatat tashmë duhet të bëhen në nivel kryetarësh, është përforcuar edhe një herë në seancën e pasdites. Opozita dhe PDK-ja kanë këmbëngulur në idenë se bisedimet duhet të zhvillohen në mënyrë më intensive dhe pjesë e këtyre negociatave të mos jenë vetëm dy partitë PD dhe PS, por edhe partitë e tjera parlamentare dhe takimet të mos bëhen në nivele dytësore, por në nivele kryetarësh. Kryetari i PDK-së, Nikoll Lesi, i ka kërkuar Kryeministrit Berisha se, pavarësisht nëse i pëlqen apo jo kryetari i PS-së, Edi Rama, apo kryetari i LSI-së, Ilir Meta, ai duhet të ulet në një tryezë të përbashkët me ta për gjetjen e konsensusit për zgjedhjen e Presidentit, ashtu siç ndodhi pesë vite me parë. Ndërkaq, kryetari i Grupit Parlamentar të PS-së, Ben Blushi, është shprehur se po djegim edhe shansin e dytë pas atij të parit për zgjedhjen e Presidentit, por shpresojmë që shqiptarëve t‘u japim shansin që të kenë kreun e shtetit të tyre brenda afateve kushtetuese. Blushi ka deklaruar se aktualisht janë dy kushte që po mbajnë peng procesin për zgjedhjen e Presidentit. Kushti i opozitës////////////// që nuk mund të përfshihet në garën për President, nënkryetari i PD-së, Bamir Topi, dhe mazhoranca që nuk pranon që pjesë e kësaj gare të jetë edhe Presidenti aktual, Alfred Moisiu. Blushi tha se "ne nuk do ta pranojmë nënkryetarin e PD-së të jetë kandidat i kësaj gare, megjithëse mazhoranca është shprehur se ai është njeriu më i votuar në bazë të sondazheve të ndryshme. Nëse kjo është e vërteta, dhe ju po na e servirni si fakt, ky është problemi juaj. Në bazë të zhvillimeve politike të ndryshme në botë, rezulton se njeriu më i votuar brenda një partie zgjidhet Kryeministër". Si shembull, kryetari i Grupit Parlamentar të PS-së, ka sjellë rastin e Britanisë së Madhe, ku njeriu më i votuar, u bë Kryeministër i këtij vendi, duke u largua nga ky post, personi që ishte më pak i votuar. Por deklarata e bërë nga Blushi është kundërshtuar nga kryetari i PD-së dhe njëkohësisht Kryeministri Berisha, i cili është shprehur se mazhoranca nuk ka vënë asnjë kusht për zgjedhjen e Presidentit. Ne, tha Berisha, jemi të hapur për të bashkëpunuar me të gjitha forcat politike, pasi mazhoranca është kundër opsionit për zgjedhje të parakohshme. Gjithashtu, Berisha ka hedhur poshtë edhe deklarimin e Blushit se mazhoranca është kundër Moisiut për rikandidim. "Nuk kemi kërkuar mosrikandidim të Presidentit Moisiu, ju mund të propozoni kë të doni", u është drejtuar Berisha partive opozitare. Gjithashtu, ai ka deklaruar se nuk kam asnjë kompleks për të takuar drejtuesit e opozitës dhe nuk kam asgjë kundër takimit me kryetarin e PS-së, Edi Rama. "Jam i gatshëm të takoj çdo lider partie pas asnjë përjashtim", është shprehur Berisha. Pas diskutimit të Berishës, Kryetarja e Kuvendit ka ndërprerë seancën parlamentare, duke i lënë në gatishmëri deputetët për mbledhjen e seancës së ardhshme.

Meta: Presidenti nga populli nuk është kërcënim i Kushtetutës

Kryetari i LSI-së, Ilir Meta, nuk e ka përjashtuar mundësinë e zgjedhjes së Presidentit nga populli. Gjatë një prononcimi për shtyp, Meta ka deklaruar se "ekzistojnë disa pengesa kushtetuese për zgjedhjen e Presidentit nga populli. Ne jemi të bindur se i kemi konsumuar të gjitha përpjekjet për një zgjedhje sa më konsensuale sipas Kushtetutës në fuqi, por edhe zgjedhja e Presidentit nga populli nuk duhet parë si një kërcënim i Kushtetutës, pasi më e rëndësishme është stabiliteti i vendit". Sa për tryezën e negociatave që është krijuar mes PD-së dhe PS-së, Meta ka vazhduar t‘i qëndrojë idesë së partisë së tij, se procesi i negociatave duhet të jetë i hapur e transparent dhe se tryeza është shumë e ngushtë për konsensus të gjerë dhe të domosdoshëm. Ndërsa në lidhje me problemin e emrave, Meta ka theksuar se kjo është një çështje tjetër dhe duket qartë se deri tani nuk ekziston ndonjë vullnet i plotë për një proces konsensual, për të dhënë një zgjidhje sa më të shpejtë. "Kjo është një lojë nervash, e cila nuk do të ndihmojë as vendin dhe as një zgjidhje, e cila vërtet nuk do të ndihmonte dhe rriste prestigjin e politikës shqiptare, si brenda vendit apo edhe në raport me partnerët tanë ndërkombëtarë", është shprehur Meta. Pak ditë më parë, kryetari i LSI-së deklaroi publikisht se kjo parti mbështeste rikandidimin e Presidentit Alfred Moisiu për një mandat të dytë. Deklarata nuk ka gjetur mbështetje të gjerë në radhët e partive të tjera opozitare. Po kështu, kjo alternativë është kundërshtuar edhe nga PD-ja dhe partitë e tjera mazhoritare, të cilat nuk e vlerësojnë më si konsensuale Presidentin aktual.

Vizita e Bushit, një ditë para u zbuluan 500 kallëpe dinamiti dhe tritoli

Nis hetimi. Eksplozivi u gjet në Vorë nga agjentët amerikanë

Një ditë para mbërritjes së Presidentit Amerikan, Xhorxh Bush, në Shqipëri, forcat amerikane të sigurisë kanë pikasur në qytezën e Vorës rreth 500 kallëpe tritoli dhe dinamiti. Sasia e armatimeve ishte vendosur në një tunel të braktisur, pranë një fabrike tullash. Armatimi, pas konstatimit të helikopterëve amerikanë, është transferuar nga forcat speciale të ushtrisë shqiptare në disa reparte ushtarake aty pranë. Gjithçka është kryer për disa minuta dhe në sekret të plotë. Forcat speciale kishin urdhër të kryenin kontrolle në çdo rrugë ku do të kalonte Presidenti Bush. Në qytezën e Vorës, vend ku janë gjetur edhe armatimet, do të ngrihej avioni presidencial "Air Force One". Kontrolli është zbatuar me korrektësi nga helikopterët, të cilët me një shpejtësi të vogël kanë verifikuar çdo cep të rrugëve të kalimit të eskortës presidenciale. Me aparatura të specializuara të ushtrisë amerikane, të pajisura me rreze infrared, janë konstatuar disa armatime në Tiranë. 24 orë para se njeriu më i pushtetshëm i botës do të vizitonte Shqipërinë, rrugët ku do të kalonte janë "pastruar" nga armatimet. Përveç sasisë rekord prej 500 kallëpesh tritoli e dinamiti të sekuestruara në Vorë, helikopterët amerikanë kanë gjetur edhe disa armë zjarri, kryesisht "kallash" dhe pistoleta, për të cilat ka filluar hetim drejtësia shqiptare. Lajmi bëhet i ditur nga burime pranë Prokurorisë së Përgjithshme. Sipas tyre, për këto raste ka filluar një verifikim për të gjetur "pronarët" e këtyre armatimeve. Grupi hetimor, i përbërë nga oficerë të policisë gjyqësore dhe ekspertë antiterroristë kanë shkuar në zonën e Vorës. Nga të dhënat e para ka rezultuar se tuneli gjendej pranë një fabrike tullash. Hetuesit i kanë dërguar pronarit të saj, emri i të cilit nuk bëhet i ditur, një fletëthirrje për dëshmi. Pas refuzimit, është verifikuar se ai gjendej në Gjermani për disa çështje biznesi. Megjithatë, hetimet kanë vijuar, duke ngritur disa pista. Laboratori kriminalistik në Ministrinë e Brendshme ka konfirmuar se armët janë mbetje të trazirave të vitit 1997 dhe janë vendosur në tunel nga një maune. Tuneli është kyçur. Kjo ka hedhur poshtë pistën e ndonjë atentati të mundshëm ndaj Presidentit amerikan, pasi nuk ka rezultuar se armatimet të jenë hedhur para vizitës historike për shqiptarët. Burimet thanë se hetuesit, të cilët kanë në dorë edhe filmimet e transportimit të armatimeve në repartet ushtarake, kanë konstatuar se tritoli e dinamiti ishin në gjendje të mirë dhe mund të përdorej. Dyshohet se sasia e armatimeve mund të shitej. Megjithatë, tashmë i takon akuzës qendrore të kryejë hetimet e mëtejshme, duke zbardhur edhe prejardhjen e destinacionin e këtyre armatimeve.

admin shkruajti:

Berisha: Gati të takoj Ramën

Blushi: PD-ja, meqë Topi është popullor, le ta emërojë Kryeministër

Kryeministri Sali Berisha, i cili është njëkohësisht edhe kreu i mazhorancës, ka deklaruar dje në sallën e Parlamentit se është gati të takohet me liderin e opozitës, Edi Rama. "Jam i gatshëm të takoj çdo lider partie pa asnjë përjashtim", është shprehur Berisha. Ashtu siç ishte parashikuar ka dështuar edhe raundi i dytë për zgjedhjen e Presidentit të ri. Mesazhi i dhënë në konferencën e kryetarëve gjatë paradites së djeshme, se negociatat tashmë duhet të bëhen në nivel kryetarësh, është përforcuar edhe një herë në seancën e pasdites. Opozita dhe PDK-ja kanë këmbëngulur në idenë se bisedimet duhet të zhvillohen në mënyrë më intensive dhe pjesë e këtyre negociatave të mos jenë vetëm dy partitë PD dhe PS, por edhe partitë e tjera parlamentare dhe takimet të mos bëhen në nivele dytësore, por në nivele kryetarësh. Kryetari i PDK-së, Nikoll Lesi, i ka kërkuar Kryeministrit Berisha se, pavarësisht nëse i pëlqen apo jo kryetari i PS-së, Edi Rama, apo kryetari i LSI-së, Ilir Meta, ai duhet të ulet në një tryezë të përbashkët me ta për gjetjen e konsensusit për zgjedhjen e Presidentit, ashtu siç ndodhi pesë vite me parë. Ndërkaq, kryetari i Grupit Parlamentar të PS-së, Ben Blushi, është shprehur se po djegim edhe shansin e dytë pas atij të parit për zgjedhjen e Presidentit, por shpresojmë që shqiptarëve t‘u japim shansin që të kenë kreun e shtetit të tyre brenda afateve kushtetuese. Blushi ka deklaruar se aktualisht janë dy kushte që po mbajnë peng procesin për zgjedhjen e Presidentit. Kushti i opozitës////////////// që nuk mund të përfshihet në garën për President, nënkryetari i PD-së, Bamir Topi, dhe mazhoranca që nuk pranon që pjesë e kësaj gare të jetë edhe Presidenti aktual, Alfred Moisiu. Blushi tha se "ne nuk do ta pranojmë nënkryetarin e PD-së të jetë kandidat i kësaj gare, megjithëse mazhoranca është shprehur se ai është njeriu më i votuar në bazë të sondazheve të ndryshme. Nëse kjo është e vërteta, dhe ju po na e servirni si fakt, ky është problemi juaj. Në bazë të zhvillimeve politike të ndryshme në botë, rezulton se njeriu më i votuar brenda një partie zgjidhet Kryeministër". Si shembull, kryetari i Grupit Parlamentar të PS-së, ka sjellë rastin e Britanisë së Madhe, ku njeriu më i votuar, u bë Kryeministër i këtij vendi, duke u largua nga ky post, personi që ishte më pak i votuar. Por deklarata e bërë nga Blushi është kundërshtuar nga kryetari i PD-së dhe njëkohësisht Kryeministri Berisha, i cili është shprehur se mazhoranca nuk ka vënë asnjë kusht për zgjedhjen e Presidentit. Ne, tha Berisha, jemi të hapur për të bashkëpunuar me të gjitha forcat politike, pasi mazhoranca është kundër opsionit për zgjedhje të parakohshme. Gjithashtu, Berisha ka hedhur poshtë edhe deklarimin e Blushit se mazhoranca është kundër Moisiut për rikandidim. "Nuk kemi kërkuar mosrikandidim të Presidentit Moisiu, ju mund të propozoni kë të doni", u është drejtuar Berisha partive opozitare. Gjithashtu, ai ka deklaruar se nuk kam asnjë kompleks për të takuar drejtuesit e opozitës dhe nuk kam asgjë kundër takimit me kryetarin e PS-së, Edi Rama. "Jam i gatshëm të takoj çdo lider partie pas asnjë përjashtim", është shprehur Berisha. Pas diskutimit të Berishës, Kryetarja e Kuvendit ka ndërprerë seancën parlamentare, duke i lënë në gatishmëri deputetët për mbledhjen e seancës së ardhshme.

nuk po arrijme te kuptojme kohet e fundit se pse problemi i presidentit po ze faqet e para te gazetave apo te lajmeve ne tv te ndryshme. duke pasur parasysh se presidenti ekzistues Z. Moisiu u zgjodh vetem per 4 minuta, me duket paksa absurde qe te behet gjithe kjo zhurme, dhe mbi te gjitha duke ditur se cfare politike dhe politikanesh kemi ne. persa i takon fjales se blushit se ne nuk pranojme zotin Topi per kandidat me duhet te them se duhet qe vete zoti blushi me urdherat e marra nga lart te paraqese nje kandidat me te mire ose te pakten ne nivelin e Z. Topi. dihet qe opozita aktuale kerkon medoemos zgjedhjet e parakohshme sepse duket sikur i leverdis me shume per situaten aktuale qe ndodhet shqiperia, por mos harorje se edhe ne rast zgjedhjesh pervec rremujave te zakonshme qe na shoqerojne gjithmone, dhe duke pasur parasysh rezultatin e zzgjedhjeve vendore, edhe pse u morren bashkite kryesore nga opozita perseri totali i votuesve ngeli ne favor te PD. nuk e di se pse kjo opozite me kaq shume zhurme ditet e sotme akoma nuk ka vendosur per nje emer te sajin qe do ta perfaqesoje ne zgjedhjet e presidentit, apo ndoshta zoti NANO urdheron keshtu nga lart.
sido qe te veje puna per ne te pakten e themi me plot gojen se nuk kujtohet njeri, bejme bla bla bla gjithe diten marrim ne goje te gjithe dhe ne fund themi "njerez te tille i duhen SHQIPERISE"
per mendimin tim personal as qe behet fjale se gjithe keto jane thjesht nje zgjatje e panevojshme kur nga shume und te dihet se presidenti i ardhshem do jete vete Fatos Nano.
me respekt EnDrI

Sipas Ngjeles nëse nga tryeza e bisedimeve nuk del emri i Topit deputetët e maxhorancës, duhet të mbledhin firmat për të kandiduar Topin

Ngjela paralajmëron se deputetët e PD-së nuk duhet të lëshojnë kandidaturën e Topit për President. Sipas tij, nëse nga tryeza e bisedimeve nuk del emri i Topit deputetët e maxhorancës, duhet të mbledhin firmat për të kandiduar Topin. Të njëjtën veprim këshillon Ngjela, edhe nëse nga tryeza e bisedimeve del një emër që nuk u pëlqen deputetëve demokratë. “Nëse nuk del emri i Topit nga negociatat dhe atyre deputetëve demokratë që nuk i pëlqen kandidati i dalë nga tryeza e bisedimeve, nuk do të ketë më hezitim, Topi hyn në garë”, - tha ai dje në një intervistë dhënë për Top Channel-in.

Ngjela theksoi se maxhoranca duhet të ngulë këmbë që Topi të jetë kandidatura e saj, nëse ajo tërhiqet, ai paralajmëron drejtuesit politik të PD-së se mund të ketë lëvizje të reja si në parti ashtu dhe në grupin parlamentar. Deputeti demokrat u shpreh se kandidatura e Topit nuk rrezikon bojkotin e seancës nga ana e deputetëve të opozitës. “Jo e gjithë opozita ka deklaruar se do ta bojkotojë seancën parlamentare, disa do të jenë, Topi të hyjë në garë dhe do të shohim rezultatin”, - u shpreh më tej Ngjela.

admin shkruajti:

Sipas Ngjeles nëse nga tryeza e bisedimeve nuk del emri i Topit deputetët e maxhorancës, duhet të mbledhin firmat për të kandiduar Topin

e ka ne terezi Ngjela more shoku admin. me thua dot ndonje lajm nese vazhdon te jete pjese e grupit te PD apo eshte perjashtuar se me sa mbaj mend une Saliu sikur do e ngrinte avokatin.. u bene te gjithe ketu. te pakten mos te bejne bla bla bal kot kur dihet se si funksionon politika jone apo kane hall se ngelen gazetat dhe admini jone pa shkruar ndonje gje ne faqet e tyre
gjithsesi nuk me duket akoma i pjekur sa duhet topi per president.
i themi ngjeles dhe Topit bashke qe te aktivizohen me shume ne jeten qeverisese perpara se te kalojne ne stadin me te larte qe eshte kreu i shtetit...

Perfundojne negociatat PS-PD, Ja 8 kandidaturat e te majteve per President

Negociatoret e PS kane dorezuar zyrtarisht listen e kandidateve te opozites per presidentin e ri. Ne liste, e cila kryesohet nga presidenti aktual Alfred Moisiu jane ish-kryeministrat dhe ish-kryetaret socialiste te Kuvendit

Ka perfunduar dhe raundi i 6 i negociatave PS dhe PD per ceshtjen e presidentit, ndersa negociatoret e PS kane dorezuar zyrtarisht listen e kandidateve te opozites per presidentin e ri te vendit, tek negociatoret e PD. Mbledhja ka zgjatur vetem pak minuta. Mbledhja ka zgjatur vetem pak minuta. Ne liste, e cila kryesohet nga presidenti aktual Alfred Moisiu jane ish-kryeministrat dhe ish-kryetaret socialiste te Kuvendit mes te cileve ish-kryeministri Fatos Nano, ish-kryeministri Ylli Bufi, Ish- kryekuvendoret, Servet Pellumbi, Namik Dokle dhe Kastriot Islami. Por lista perfshin edhe 2 prej aleateve. Astrit Patozi, negociatori I se djathtes, e ka cilesuar listen dhe perberjen e saj si nje liste senatoresh sesa nje liste per presidentin e Republikes, por ka thene se pavaresisht asaj qe duket qarte ne kete liste, te djathtet do ta shqyrtojne ate me dhe do te japin me pas pergjigjen. Ndersa negociatori I te majteve, Blendi Klosi shpjegoi per mediat se lista eshte ngritur mbi disa parime kryesore. “Shpresojme qe duke shqyrtuar kete liste, maxhoranca te heqe dore nga kandidatura qe nuk prodhojne konsensus”, tha Klosi. Nga lista qe do t’i shkoje tryezes se negociatave, emri i kandidatit qe do te perzgjidhet do te mbledhe edhe 20 firmat qe e bejne ate zyrtarisht kandidat per te cuar me pas per votim ne séance plenare.

Lista me kandidaturat per Presidentin e ri, te propozuar nga te majtet

1.Alfred Moisiu-president
2.Fatos Nano-ish kryeminister
3.Ylli Bufi-ish kryeminister
4.Servet Pellumbi-ish kryetar kuvendi
5.Namik Dokle-ish kryetar kuvendi
6.Kastriot Islami-ish kryetar kuvendi
7.Paskal Milo-kryetar I PDS
8.Neritan Ceka-kryetar I PAD

Ka perfunduar ne Kryeministri
takimi i aleatëve te cilet kane percaktuar listën perfundimtare te
kandidatëve per postin e Presidentit te ri te Republikes. Kete liste e
perbejne: Sabri Godo, Arjan Starova, Myqyrem Tafaj e Halit Shamata.
Tashme maxhoranca do i paraqesë listën opozitës. Nga ana tjeter
kryesocialisti Edi Rama ka pershendetur terheqjen e Bamir Topit nga
kandidimi dhe ka thene madje se kjo eshte nje terheqje e vonuar Sipas
Rames tërheqja nga kandidimi i numrit 2 te PD-se, i hapi rrugë
konsensusit dhe nje procesi konsultimesh. Me pas Rama i ka bere ftesen
maxhorances te gjykoje listen me kandidaturat e opozites, dhe te
njejten gje do te beje edhe opozita me listen e maxhorances.
Rama
i ka bere kerkese kryeministrit Berisha te bashkohet me te ne menyre qe
Presidenti i ardhshem te jete nje figure qe garanton ekuiliber.
[/size]Lista e kandidateve te Maxhorances perbehet nga:
1. Republikani Sabri Godo,
2. Ish-Minister i Jashtem Arjan Starova
3. Zevendesminister i arsimit Myqyrem Tafaj
4. Keshilltari i shefit te qeverise per Arsimin Halit Shamata

Nano: Unë jam kandidat me platformë të pakundërshtueshme. Tryeza do të vendosë për kandidimin

Ish-kryetari i Partisë Socialiste, Fatos Nano, deklaroi dje se Kryeministri, Sali Berisha është përgjegjës për krijimin dhe majisjen e krizës presidenciale në vend. Nano theksoi se Berisha si kryetar i qeverisë është i detyruar sipas përgjegjësive të tij që të lejojë dhe ndërmarrë dialogun politik me opozitën për zgjedhjen e një Presidenti konsensual. Duke folur për vizionin e tij në lidhje me reformat institucionale në vend, ish-kryeministri Nano theksoi se Kryeprokurori Sollaku duhet të ridimensionojë pozicionin e tij. Në lidhje me gjyqësorin, Nano theksoi se duhet zhvilluar një reformë e gjerë ku prokuroria duhet të jetë në shërbim të publikut. Duke iu referuar kandidimit të tij për President të Republikës, Nano tha se unë jam i vetmi kandidat për postin më të lartë të shtetit që kanë paraqitur një projekt, i cili nuk është kontestuar nga askush dhe që parashikon integrimin e Shqipërisë. Nano deklaroi se institucioni i kreut të shtetit duhet të jetë jo vetëm simbol i unitetit kombëtar, por duhet të funksionojë si moderator i politikës dhe institucioneve të pavarura në vend. Nano ka theksuar se asnjë kandidat tjetër për Presidentin e Republikës nuk ka një platformë për funksionimin dhe ridimensionimin e postit më të lartë të Republikës. Nano tha se fillimi i një negociate serioze duhet të nisë stinën e angazhimeve të mëdha bipartizane.

Kuvend, Mbyllet raundi i dyte i votimit per Presidentin. Topi 74 vota, Nano 5 vota

Ora 21:19 Mbyllet votimi, Topi 74 vota, Nano 5 vota
Eshte mbyllur ne Kuvendin e Shqiperise votimi i dyte per presidentin. Sipas sekretariatit te votimit u shpall edhe rezultati: Ne votim kane marre pjese 82 deputete; 79 flete votimi kane qene te vlefshme dhe 3 te pavlefshme. Nga keto, 74 vota kane shkuar per kandidatin e maxhorances, Bamir Topi dhe 5 vota per kandidatin e veteshpallur, deputetin socialist Fatos Nano. Pra ne baze te nenit 87, duke qene se asnjeri nga kandidatet nuk ka 84 votat e nevojshme, as ne raundin e dyte Kuvendi nuk ka mundur te zgjedhe dot Presidentin e vendit. Ne baze te Kushtetutes, per zgjedhjen e Presidentit te ardhshem te vendit jane ne dispozicion te Kuvendit edhe tre raunde te tjera votimi, te cilat duhet te zhvillohet deri ne 23 korrik ne mbremje. Nese Kuvendi ne fund te pese raundeve te votimit nuk mund te zgjedhe Presidentin, atehere vendi kalon ne zgjedhje te parakoheshme

Ora 20:47 Numrit te pergjithshem te deputeteve ne salle te cilet jane duke iu nenshktuar procesit te votimit i eshte bashkuar edhe deputeti i PDK-se, Tom Doshi, i cili e ka cuar ne 82 numrin e te pranishmeve. Nderkohe votimi per Presidentin vazhdon.

Ora 20:18 Eshte hapur procedura e votimit te dyte per Presidentin. Votimi eshte i fshehte dhe pa debat. Ne salle jane te pranishem 81 deputete. Deputetet e opozites, as ne kete raund nuk jane te pranishem ne salle

Ora 20:15 Ka nisur seanca Kuvendore ku pritet nga casti ne cast te nise votimi per raundin e dyte per Presidentin e ri. Dy jane deri tani kandidaturat qe do te votohen, kandidati i veteshpallur Fatos Nano (ish-kryeminister) dhe nenkryetari i Partise Demokratike Bamir Topi. Ne votimin e pare moren pjese 80 deputete,. 75 vota shkuan per Topin, ndersa vetem 3 per Zotin Nano. 2 vota u shpallen te pavlefshme. Ne baze te votimit te Prezences ne salle jane te pranishem 81 deputete.

Ora 20:10 Sekretariati i Procedurave: Kuvendi ka hyre ne nje normalitet kushtetues
Besnik Dervishi (deputet i PS) duke folur ne rolin e anetarit te Sekretariatit te Procedurave te votimit ne Kuvend, ka shpjeguar per News 24 se tashme kuvendi ka hyre ne nje normalitet kushtetues. “Jemi kthyer ne respektin e kushtetutes. Sot votohet ne baze te parimeve qe kerkon kushtetuta. Pavaresisht se me vonese, iu dha fund spekulimeve politike“, tha dervishi. Sipas tij mosparaqitja e opozites ne Kuvend eshte thjesht nje taktike e saj qe vjen si pasoje e situates qe ka krijuar maxhoranca. Dervishi sqaroi se PS eshte e pergjgjshme per zhvillimet e vendit dhe integrimet euroatlantike dhe eshte e gatshme te jape konsensusin e saj. Duke folur per kandidimin e Fatos Nanos, ai tha se ky kandidim eshte po aq legjitim sa edhe ai i zotit Bamir Topi dhe se Nano eshte kandidat dinjitoz. Nderkohe nuk perjashtoi mundesine e zgjedhjeve te parakohshme per cka tha se jane nje zhvillim i pritshem. Sipas tij, zgjedhjet nuk po afrohen per shkak te krizes presidenciale, por si pasoje e nje krize ne te gjithe sektoretpra si pasoje e nje krize qeverisese

Ora 19:44 -Mblidhet grupi i PD-se, Vonohet seanca
Ka kaluar me shume se gjysme ore dhe ende nuk ka nisur seanca Parlamentare ku do te zhvillohet raundi i dyte i votimit per Presidentin e ri, ku deri tani ne gare jane dy kandidate: Ai socialist Fatos Nano (ish-kryeminister) dhe nenkryetari i Partise Demokratike Bamir Topi. Shkak per kete vonese eshte bere nje mbledhje e grupit parlamentar te PD-se.

Ora 19:00 Ne pritje te hapjes se raundit te dyte te votimit per Presidentin
Sipas vendimit te djeshem te Konferences se Kryetareve, ku nuk ishin te pranishem perfaqesuesit e opozites, pritet te nise seanca per votimin e dytë për zgjedhjen e Presidentit të ri. Seanca ishte percaktuar te fillonte ne oren 19.00. Vendimi per mbajtjen e ketij raundi votimi është aprovuar me 56 vota pro edhe në seancën plenare të pasdites. Sipas ketij vendimi raundi i sotëm do të konsiderohet i dytë. Ne kete takim nuk pritet te jene te pranishem deputetet e opozites, te cilet kane braktisur edhe votimin e pare presidentin ne seancen e se dieles.

Ne nje prononcim per News24 deputeti demokrat Spartak Ngjela, ka sqaruar se votimet tashme kane hyre ne rrjedhen proceduriale te kushtetutes, duke qene se dje ne parlament eshte marre nje vendim dhe parlamenti ka vendosur qe gara te jete sot ne raundin e dyte. Sipas Ngjeles, kush deshiron mund te votoje dhe kush jo, nuk eshte I detyruar te votoje, ndaj ne kete rast nuk ka nevoje per tryeze. “Nese brenda 5 seancave te votimit parlamenti nuk arrin te zgjedhe presidentin, atehere domosdoshmerisht do te shkohet ne zgjedhje te parakohshme. Por asnjera pale nuk mund te quhet fajtore per kete. Kjo eshte nje e drejte kushtetuese”, shpjegoi Ngjela. Me tej deputeti demokrat shpjegoi se sipas kushtetutes deri ne raundin tjeter mund te hyjne ne gare kandidate te tjere per President. Nese dicka e tille ndodh, pra nese paraqiten ne Kuvend kandidatura te tjera, deri ne raundin e trete, dy me te votuarat e ketij raundi shkojne per votim ne raundin 4. Po keto dy kandidatura shkojne dhe ne raundin 5 dhe nese ne kete te fundit, asnje nga kandidatet nuk zgjidhet, atehere shkohet ne zgjedhje te parakohshme.

Zbutet Berisha: Tani me Cekën i them Ramës ulemi në tryezë

Dje ne perfundim te votimit kryeministri i vendit Sali Berisha eshte shprehur "I bëj thirrje Ramës, Metës, Gjinushit të kthehen në parlament sepse është koha për t’i shërbyer vendit dhe jo për replika”

I bëj thirrje Ramës, Metës, Gjinushit të kthehen në parlament sepse është koha për t’i shërbyer vendit dhe jo për replika”. Kjo ishte deklarata e Berishës dje në përfundim të votimit të tij për postin e Presidentit të republikës, duke shprehur kënaqësinë e arritjes së 84 votave në kuvend për çështjen e presidentit të Republikës. “Ky është një akt madhor moral me të cilin këta deputetë shprehin vullnetin e tyre për të mos çuar vendin në zgjedhje të parakohshme dhe për të vazhduar reformat, duke bërë vendin me një president të ri që vjen nga rradhët e politikës” tha Berisha.

“Me zotin Rama, Meta, Gjinushi, kam qenë dhe mbetem i hapur të ulem në tryezë” tha Berisha. Duke folur për kandidatin e PD për President zotin Topi, Berisha tha: “Zoti Topi është në mënyrë të padiskutueshme kandidat i PD dhe theksoj edhe një herë se dëshmoi një përgjegjësi qytetare të madhe, u tërhoq nga lista në një kohë kur asnjë nga politikanët e tjerë nuk e bëri këtë. Iu nënshtrua procedurës kushtetuese për të respektuar atë dhe garën. Tryeza me opozitarët mbetet e hapur. Unë jam kryeministër dhe jam i detyruar t’i dëgjoj dhe t’i respektoj, edhe të bashkëpunoj me ta” tha Berisha me tone të zbutura.

Opozita: Mos hetoni tani ‘97

"Të gjenden më parë shkaktarët e kaosit, pastaj të hapen dosjet e bandave"



Ngjarjet e ‘97-ës duket se janë kthyer sërish në vëmendjen e shqiptarëve, por këtë herë, jo me pamje filmime si pak kohë më parë, por me dosje, të cilat tashmë kanë nisur të rihapen nga drejtësia. Por, rihapja e tyre, pas gati dhjetë vitesh, është komentuar nga partitë opozitare, të cilat akuzojnë Kryeministrin Berisha se ka marrë një nismë të tillë për të shmangur vëmendjen e shqiptarëve nga krizat e thella ekonomike dhe sociale në të cilat është zhytur vendi. Duke iu përgjigjur interesit të gazetarëve, zëdhënësja e PS-së Mimi Kodheli, ka deklaruar se rihapja e dosjeve të ‘97, pikërisht tani nga qeveria, nuk e zbut krizën energjetike dhe krizat e tjera social-ekonomike, por vetëm i thellon ato më shumë. Të njëjtin mendim me zëdhënësen e Partisë Socialiste ka ndarë edhe kryetari i PSD-së Skënder Gjinushi.

Ai ka theksuar se me rihapjen e këtyre dosjeve, pikërisht tani, Berisha tregon se nuk ndryshon dot, edhe se nuk është bërë pishman për ‘97 dhe jo vetëm nuk shkëputet nga ‘97, por kërkon edhe revansh. "Është po ai Berishë, që më ‘97-‘98 organizoi edhe grusht shteti, vetëm që të mbylleshin dosjet dhe tani mendon se ka edhe gurin edhe arrën, dhe që mund të ndikojë në hetime, apo në gjyqe, kërkon të bëjë gjyqe dhe hetime të njëanshme për të mbuluar ato që ka bërë vetë, për të deformuar atë që kanë parë të gjithë shqiptarët", është shprehur Gjinushi. Sipas tij, është e njëjta gjë që Berisha bëri edhe në vitin 2002, prandaj ne jemi shprehur se sa herë që bëhen reforma, Berisha atëherë ia nis me hetime e gjyqe. Ndërsa kryetari i grupit parlamentar të LSI-së Sabit Brokaj, gjatë një prononcimi për gazetën "Shqip", është shprehur se së pari për ngjarje që i takojnë drejtësisë, në çdo kohë mund të bëhen veprime dhe në këtë pikëpamje mund të gjykojë veprimin po që i drejtësisë dhe jo i politikës. Por nga ana tjetër tha Brokaj, unë mendoj se nxjerrja e këtij problemi tani paraqet dy aspekte. Njëri aspekt është për të mbuluar situatën dhe së dyti, meqë gjysma e pushtetit të PD-së ka karakter revanshist të qartë. "Në qoftë se do të bëhej drejtësi, si rregull fillohet nga kryesorët që do të thotë nga ata që futen në Shqipëri në kaos dhe pastaj mund të merresh me produktet e kaosit. Ata që trajton me demek tani drejtësia, por unë më shumë do të thosha politika, janë produktet e fundit të kaosit. Ata që bënë kaosin dhe që konkretisht fillon te kreu i shtetit, ata që urdhëruan trupat, që krijuan ushtri mercenarësh, që ngritën avionët në ajër të bombardonin jugun, që nxorën lëndët helmuese luftarake dhe i sollën deri në Vlorë, këtu dallon trajtimi i çështjes. Nëse nuk fillon këtu dhe nuk kruhet bashkë me këto, kjo nuk është drejtësi, por është vetëm revansh", është shprehur kryetari i grupit parlamentar të LSI-së Brokaj. Ndërsa kryetari i PAD-së Neritan Ceka, ka deklaruar se nuk i takon qeverisë të merret me dosjet, pasi nuk është në kompetencën e saj.

Dosjet

Gjatë trazirave të vitit 1997, ndodhen disa ngjarje të rënda, në kohën e mungesës totale të shtetit dhe ekzistencës së bandave të armatosura kriminale, të cilët zgjodhën forcat përkatëse politikë për t‘i mbështetur, ku si këmbim merrnin amnisti dhe përfitime ekonomike. Disa nga ngjarjet më të tmerrshme të vitit të mbrapshtë nuk harrohen lehtë nga banorët e shumë qyteteve të Shqipërisë, pasi sollën viktima dhe trauma të panumërta. Pas fitores në zgjedhjet e vitit 1997, socialistët ngritën një komision parlamentar hetimor për trazirat e vitit 1997, komision i cili kishte bashkëkryetarë deputetët, Spartak Ngjela dhe Spartak Braho. Në fund të veprimtarisë së tij, ky komision si rëndom doli me dy raporte të ndryshme, të cilat mbeten vetëm në letër. Ndërkaq, nga komuniteti ndërkombëtar është kërkuar pas këtyre trazirave se duhet arritur pajtimi kombëtar dhe të mos nisë gjuetia e shtrigave. Por në Shqipëri, si rëndom, dosjet përbëjnë një instrument në duart e politikës dhe kurrsesi një provë për drejtësinë që të dënojë çdo kriminel. Normalisht pa zhurmë.

PS: Deputeti dhunoi kryetarin e PS-së së Malësisë së Madhe
Sterkaj: Deklarata e PS-së, një trillim i turpshëm



Zyra e shtypit të Partisë Socialiste ka lëshuar një deklaratë për shtyp ku akuzon deputetin, Paulin Sterkaj se ka dhunuar fizikisht kryetarin e degës së PS-së së Malësisë së Madhe, Nazmi Hasani, por ka qenë i menjëhershëm reagimi i deputetit Sterkaj. Duke folur për "Shqip", deputeti Sterkaj ka mohuar akuzat dhe është shprehur i indinjuar me deklaratën e PS-së duke deklaruar se "Nuk është aspak e vërtetë, ky është një trillim, pasi unë nuk mund të kërcënoj një mik timin". Në një deklaratë të shpërndarë nga zyra e shtypit të PS-së theksohet se Paulin Sterkaj, në përgjigje të deklarimit publik të kryetarit socialist të Malësisë së Madhe për "shitjen e papranueshme të votës së socialistëve nga ana e zotit Sterkaj", ka zgjedhur rrugën primitive të kërcënimit fizik të drejtuesit të PS-së. Selia rozë ka reaguar menjëherë nëpërmjet një njoftimi për shtyp, duke deklaruar se "këtë veprim të palejueshëm Partia Socialiste jo vetëm e dënon publikisht, por edhe e ka përcjellë në vëmendjen e organeve kompetente të shtetit shqiptar, duke kërkuar mbrojtjen e integritetit moral e fizik të drejtuesit të saj për zonën e Malësisë së Madhe". Por vetë kryetari i Ps-së për Malësinë e Madhe e ka mohuar kategorish lajmin, duke theksuar se unë nuk kam bërë një deklaratë publike dhe asgjëe nuk është e vërtetë.

Topi: Të shpejtojmë ritmet për integrimin në NATO
Presidenti i Republikës viziton regjimentin e trupave komando

Bamir Topi ka kryer vizitën e tij të parë dje si President i vendit në regjimentin komando. Presidenti ka qenë i shoqëruar prej ministrit të Mbrojtjes, Fatmir Mediut. Gjatë fjalës së tij, Topi ka deklaruar se jo rastësisht vizitën e tij si President e kryen në një nga njësitë elitë të Forcave të Armatosura, këtu në regjimentin komando. "Erdha këtu në respekt të Kushtetutës për të ndarë me ju personelin ushtarak dhe civil të Forcave të Armatosura, si përpjekjet dhe arritjet e pamohueshme, ashtu edhe shqetësimet e përgjegjësitë tona për përmbushjen e objektivave madhorë që kemi përpara", është shprehur kreu i shtetit. Si ish- parlamentar, është shprehur Presidenti Topi, mund t‘ju them se e kam ndjekur me vëmendje të veçantë progresin e institucionit tuaj të mbrojtjes dhe ju kam admiruar për dinjitetin, përkushtimin e kontributin tuaj të vazhdueshëm aktiv brenda e jashtë vendit. Tani, thekson ai, si Komandant i Përgjithshëm, përveç se ndiej më shumë admirim dhe krenari, ndiej njëkohësisht edhe më shumë përgjegjësi e angazhim për përmbushjen me sukses të të gjitha funksioneve që më atribuohen nga Kushtetuta e Republikës së Shqipërisë. Topi ka theksuar me tej se "reforma në fushën e mbrojtjes ka qenë ndër reformat më të suksesshme të sistemit të sigurisë kombëtare". Kreu i shtetit i ka premtuar regjimentit komando se ai, nën autoritetin e Kushtetutës dhe të ligjit, do t‘i mbështesë pa asnjë hezitim në zbatimin e planit afatgjatë të zhvillimit të Forcave të Armatosura. "Së pari, është shprehur Presidenti, unë do të mbështes objektivin tuaj madhor për zhvillimin e një force të motivuar tërësisht profesioniste në vitin 2010, në cilësi e vlera profesioniste, në interes të përmbushjes së misioneve dhe kërkesave të taksapaguesve shqiptarë, me shërbimet më komplekse të sigurisë që i njeh ligji, në tokë, në ajër apo në det dhe së dyti, do të mbështes përpjekjet tuaja që kjo forcë profesioniste të jetë e motivuar dhe moderne, duke i alokuar burime të mjaftueshme financiare prej 2% të GDP-së duke filluar nga viti 2008. Dhe së treti, do t‘ju mbështes në zhvillimin e një forcë të armatosur të pajisur, të trajnuar dhe të ndërveprueshme, që ta adresojë vendin drejt integrimit të merituar në aleancën euroatlantike". Ai ka inkurajuar forcat ushtarake për progresin e bërë në konsolidimin e mëtejshëm të njësive të tilla model, që e kanë treguar veten si regjimenti komando, brigada e reagimit të shpejtë dhe njësitë e tjera të deklaruara në NATO, që sot janë të afta të kryejnë misione të vështira jo vetëm anembanë vendit, por edhe matanë kontinentit tonë. "Ajo që unë dua të theksoj si shumë të rëndësishme, që na bën të gëzojmë dhe njëkohësisht të reflektojmë të gjithëve, është se aktualisht vendi ynë ndodhet në periudhën më vendimtare të procesit të integrimit në NATO. Me gjithë sukseset e arritura, jam i mendimit se faza në të cilën ndodhemi kërkon më shumë reflektim dhe krijimtari, më shumë përgjegjshmëri dhe përkushtim, organizim dhe koordinim më perfekt", është shprehur Presidenti.

PS: Reforma në drejtësi, vetëm me asistencën e BE-së

"
Topi të mbajë premtimin se është mbi palët dhe jo të lajë hesapet politike të PD-së"



Deklaratat e bëra nga kryetari i PSD-së, Skënder Gjinushi, se reforma në drejtësi duhet të bëhet duke u mbështetur në Kushtetutë dhe se kryeprokurori Sollaku nuk mund të shkarkohet sipas tekave të pushteteve, duket se ka gjetur edhe mbështetjen e PS-së. Sekretari për koordinimin dhe çështjet ligjore, Fatmir Xhafa, në emër të PS-së, ka kërkuar dje një tryezë të përbashkët të nivelit politik dhe teknik nën asistencën e BE-së për reformën në drejtësi. "Reformat në drejtësi duhet të vijnë si rezultat i një konsensusi të gjerë politik, siç e përcakton Kushtetuta dhe në një proces të gjerë konsultimi me komunitetin e juristëve jopartizanë dhe misionet ndërkombëtare që asistojnë Shqipërinë në këtë fushë", është shprehur sekretari socialist. Sipas Xhafës, PS-ja është e gatshme të japë kontributin e saj për të kryer një reformë institucionale në sistemin e drejtësisë, duke përfshirë këtu edhe sistemin e akuzës. Por, Xhafa është shprehur kundër reformave demagogjike dhe të paqëndrueshme në sulmet ndaj Prokurorit të Përgjithshëm. "Kemi ndjekur me shumë vëmendje deklaratat e shumta dhe jo rrallëherë pasionante lidhur me çështjen e prokurorisë, një pjesë e të cilave në këto ditë të nxehta vere e përkufizojnë nevojën për një reformë në këtë institucion me modalitete të karakterit formal, që më shumë synojnë si të zgjidhin "në mënyrë spektakolare" çështjen e largimit të kryeprokurorit të republikës nëpërmjet kufizimit të mandatit se sa t‘i adresohen përmbajtjes substanciale të çështjes, nevojës për një reformë thelbësore në veprimtarinë e këtij institucioni", është shprehur Xhafa. Sekretari socialist ka shprehur shqetësimin e PS-së për sulmet ndaj prokurorit Sollaku dhe mundësinë që këto akuza në distancë të shprehin një qëllim tjetër, atë të krijimit të një prokurorie politike. Xhafa tha se "ne mbetemi të shqetësuar, për faktin se deklarime të kësaj natyre shprehin në jo pak raste qëllimin shumë të kritikuar e me pasoja të rrezikshme të një pjese të lidershipit politik të mazhorancës aktuale, krijimin e një prokurorie politike, çka do ta thellonte më tej kontrollin absolut të çdo institucioni, sipas parimit ‘një shtet, një udhëheqës‘". Në emër të PS-së, Xhafa, i ka kërkuar Presidentit Topi "që të mbajë qëndrimin e duhur kushtetues e ligjor, duke u treguar shqiptarëve se ai nuk është zgjedhur në atë post për të larë hesapet politike të lidershipit politik të mazhorancës, por është zgjedhur në funksionin e respektuar të kryetarit të shtetit edhe për të mbrojtur institucionet e drejtësisë nga emergjenca e politikës së ditës". Gjithashtu, sekretari i çështjeve ligjore në PS i ka kujtuar mazhorancës aktuale dhe veçanërisht Kryeministrit Berisha, se drejtësia penale në këtë vend është funksionale dhe ka nevojë prioritare të bëhet edhe më shumë eficente. Ndërkohë, ka shtuar Xhafa, për shqiptarët ajo çka është edhe më emergjente janë kriza e energjisë, ujit, lekut, papunësisë, mungesa e të cilave në vetvete duhet konsideruar seriozisht gjithashtu edhe një ndër faktorët bazë të të gjitha të këqijave në një shoqëri dhe i vetë korrupsionit e kriminalitetit. Sipas tij, reforma e kërkuar në gjyqësor e në prokurori nuk mund të zëvendësojë e as të shërbejë kurrsesi si alibi e radhës e pushtetarëve aktualë për të larguar vëmendjen nga nevoja për reforma reale ekonomike e sociale, që krijojnë kushtet bazë për një jetë më të mirë e më të sigurt të shqiptarëve.

Presidenti pret klerikët më të lartë të komuniteteve fetare në vend
Presidenti i Republikës, Bamir Topi, ka pritur dje në takime të veçanta kortezie klerikët më të lartë të komuniteteve fetare në vend. Sipas njoftimit të bërë nga zyra e shtypit të Presidentit, kreu i shtetit ka takuar në fillim Fortlumturinë e Tij Anastas, kryepeshkopin e Kishës Ortodokse Shqiptare, më pas, Haxhi Selim Muçën, kryetar i Komunitetit Mysliman Shqiptar dhe baba Haxhi Reshat Bardhin, kreun e Kryegjyshatës Botërore Bektashiane. Po sipas zyrës së shtypit, klerikët e lartë kanë shprehur shqetësimet lidhur me kthimin e pronave të tyre nga shteti dhe vështirësitë financiare që hasen nga komunitetet përkatëse. Gjatë këtyre takimeve, krerët e lartë fetarë gjetën mirëkuptimin e plotë të Presidentit Topi, i cili e ka vlerësuar lart harmoninë dhe tolerancën që kanë karakterizuar në shekuj bashkëjetesën fetare në Shqipëri dhe kontributin e çmuar që kanë dhënë drejtuesit e tyre në vazhdimësi. Presidenti Topi, shumë shpejt do të zhvillojë gjithashtu edhe një takim me imzot Rrok Mirditën, Arkipeshkvi i Metropolit Tiranë-Durrës, i cili për shkak të angazhimeve të tij aktualisht nuk ndodhet në Shqipëri.

Oketa e Basha, kandidatë për nënkryetar të PD



Zgjedhja e Bamir Topit si President i Republikës, duke u larguar nga posti i nënkryetarit të PD-së, "ngrirja" e Spartak Ngjelës, duke iu hequr kompetencat e Sekretarit për Marrëdhëniet me Publikun në selinë blu, si dhe ambicia e mjaft personaliteteve të PD-së për t‘u bërë pjesë e kupolës drejtuese të kësaj partie, duket se ka detyruar kryetarin Berisha që të mendojë edhe një herë për ristrukturimin e organeve më të larta drejtuese të PD-së. Nga burime pranë selisë blu mësohet se vjeshta e këtij viti do ta gjejë në votime PD-në, për të zgjedhur nënkryetarin e ri të saj, Sekretarin e Përgjithshëm, si dhe disa sekretariate të tjera. Po nga këto burime mësohet se në garën për Sekretarin e Përgjithshëm të PD-së, post të cilin e mban Ridvan Bode, pritet të garojnë shefi i kabinetit të Kryeministrit Arben Imami dhe deputeti i PD-së, Astrit Patozi, i cili muajt e fundit ka qenë mjaft aktiv me deklaratat e tij në zhvillimet politike. Ndërsa për postin e nënkryetarit të PD-së, pas largimit të Bamir Topit, në garë janë dy emra të tjerë si: ministri i Jashtëm, Lulzim Basha dhe zëvendëskryeministri Gazmend Oketa. Gjithashtu, gjatë një interviste për mediat edhe deputeti Besnik Mustafaj nuk e ka fshehur dëshirën e tij për të garuar për postin e nënkryetarit të PD-së, duke lënë kështu një tjetër vend vakant, nëse ai hyn në garë në atë të Sekretarit për Marrëdhëniet me Jashtë. Po kështu prej disa muajsh selia blu ka mbetur pa sekretar për Marrëdhëniet me Publikun, pas "ngrirjes" së deputetit Spartak Ngjela, i cili ishte zgjedhur në këtë post. Sipas burimeve në PD, mësohet se Preç Zogaj dhe ministrja Majlinda Bregu janë dy nga emrat më të përfolur aktualisht. Gjithashtu, Kryeministri duhet të zgjedhë edhe sekretarin organizativ të PD-së dhe zëdhënësit e kësaj partie. Gara për zgjedhjen e strukturave të reja pritet të sjellë përplasje interesante, pasi më shumë se sa emrat e individëve do të ketë përplasje të grupeve që ekzistojnë në PD.

Godo: Ndryshime në qeveri

Ish-kreu republikan shton debatet brenda shumicës: Situata, e vështirë. Për krizën energjetike, PD dhe PS të punojnë bashkë

Republikani Sabri Godo ka ftuar Kryeministrin Berisha të ndryshojë imazhin e qeverisë me njerëz, të cilët ofrojnë zgjidhjen e problemeve të vendit. Ai nuk i ka kursyer kritikat ndaj situatës së rëndë që është krijuar në vend nga mungesa e energjisë elektrike dhe e ujit të pijshëm. Gjatë një prononcimi për mediat, ai ka theksuar se vendi është rënduar me probleme të shumta, mungesa e dritave, ujit, të cilat tani ndërhyjnë edhe në psikozën tonë në gjendjen shpirtërore. Ai ka theksuar se "qeveria ka rënë në një lloj mefshtësie, u rehatuam, e pranuam këtë gjendje nuk kemi se ç‘t‘i bëjmë dhe tani do të shtrojmë kurrizin të durojmë, kjo nuk funksionon kështu". Godo i ka kujtuar Kryeministrit, se duke parë krizat dhe problemet që po has çdo ditë vendi, ai duhet të rishikojë edhe mundësinë e ndonjë ndryshimi në qeveri, ku nuk kanë ecur punët si duhet. "Ndryshimet, ka theksuar Godo, duhet të jenë për mirë dhe jo për të rregulluar njerëzit, jo për të rregulluar aleancat, por për t‘i bërë ministritë sa më funksionale, sa më eficente që të mund ta përballojnë këtë peshë jashtëzakonisht të madhe që mban mbi supe qeveria". Ai e ka kundërshtuar idenë e zgjerimit të koalicionit me parti të tjera, duke thënë se nuk shoh ndonjë dobi për vendin nga një veprim i tillë. Godo ka kritikuar Kryeministrin për mungesën e bashkëpunimit me opozitën, duke deklaruar se është i pajustifikuar mungesa e bashkëpunimit mes pozitës dhe opozitës për të zgjidhur problemet që ka vendi. "Nuk e marr vesh për se qeveria nuk organizon një tryezë të përbashkët të këtyre teknikëve dhe specialistëve të mirë që kemi këtu, të cilët mund të japin mendime pozitive për krizën energjetike, për ujin që na mungon orë e pa orë. S‘ka pse të mos ketë ballafaqime me opozitën dhe nuk mund të vazhdohet kështu", është shprehur Godo. Gjithashtu, ai ka justifikuar deri diku edhe protestat që ka ndërmarrë LSI-ja, nëse ato ka theksuar Godo, vijnë pas refuzimit të mazhorancës për bashkëpunim në zgjidhjen e krizave, atëherë dihet se rruga që mbetet janë protestat qytetare. "Mbase Meta ka te drejtë se nëse ofrohet për të bërë bisedime me qeverinë dhe nuk i hapet rrugë, atëherë do të bëjë mitingje", tha Godo. Ai ka theksuar se i takon qeverisë të mendojë sesi do të krijojë lidhjet me atë që quhet opozitë, në mënyrë që ne të mendojmë për të parën herë bashkërisht për problemet e mëdha që ka ky vend dhe që duhet se nuk do të zgjidhen ne një perspektivë të afërt. Gjithashtu, republikani Sabri Godo ka bërë komentin e tij edhe për çështjen më të debatueshme dy vitet e fundit, ajo e shkarkimit të Prokurorit të Përgjithshëm, Theodhori Sollaku. "Për mua është krejt e paduruar që për vite me radhë të merremi vetëm me një çështje, atë të Prokurorit të Përgjithshëm, a thua se kjo është shtylla qendrore e shtetit. Unë them se këtë duhet ta lëmë ta zgjidhë Presidenti i Republikës dhe besoj se do e zgjidhë në shtator-tetor. Mendoj se shumica e politikës është në një mendje se ky prokuror duhet të lëvizë që andej, sesi do të bëhet nuk është një problem i madh teknik, mjafton të mos shkohet deri atje sa të preket Kushtetuta për të hequr kryeprokurorin, kjo për mua është e papranueshme", është shprehur Godo. Republikani Godo i bashkohet kështu zërave të shumtë, të cilët diskutojnë për shkarkimin e kryeprokurorit Sollaku, por ai nuk pranon që zgjidhjet për të shkarkuar individë të ndryshëm të bëhen duke prekur Kushtetutën në pamundësi të shkarkimit të tyre.


Bashkëpunimi

Prej disa ditësh, PS-ja nëpërmjet deputetit të saj, Andis Harasani, ka ftuar qeverinë që të ulen të gjithë së bashku me specialistët e të dyja kampeve për të gjetur një zgjidhje për mungesën e energjisë elektrike në vend. Kërkesa, gjatë javës së kaluar, është përsëritur disa herë nga drejtuesit e selisë rozë. Por, deri më tani duket se kërkesa e socialistëve ka rënë në vesh të shurdhër, pasi nuk kanë marrë ndonjë përgjigje konkrete. Por, heshtja lë të kuptohet se mazhoranca nuk e ka pranuar ftesën e opozitës për bashkëpunim.

Meta, Ramës: Të riformatohet pakti i opozitës

"Opozita është në një proces reflektimi të një stadi të ri"

Ilir Meta i bën thirrje Edi Ramës të riformatohet pakti i bashkëpunimit mes partive të opozitës. Në një deklarim për median, lideri i Lëvizjes Socialiste për Integrim komentoi zhvillimet më të fundit në të majtë. Ndërsa i mëshoi të njëjtës ide të hedhur prej disa aleatëve të tjerë të familjes opozitare ditë më parë. Ndonëse ende nuk ka një datë kur mund të mblidhet byroja e opozitës, pritet që kjo çështje të bëhet pjesë e debatit të ditës.

Opozita

"Mendoj që opozita është në një proces reflektimi të këtij stadi, në të cilin hynë tashmë zhvillimet politike në vend pas momentit kyç që ka qenë ajo e zgjedhjes së Presidentit", konstatoi Meta. Ai shprehu besimin se ky proces reflektimi do t‘i ndihmojë të gjithë për të ecur në një mënyrë më solide, drejt një opozite që bashkohet për disa çështje shumë të rëndësishme që preokupojnë vendin. "Për qytetarët dhe shumicën e tyre që ne besojmë se i përfaqëson opozita e sotme", theksoi Meta. Sigurisht, shtoi ai, është e rëndësishme të kuptojmë stadin e ri në të cilin ndodhemi. "Stadi i ri kërkon edhe disa angazhime të reja dhe disa objektiva të reja nga ana e opozitës dhe kjo është më se normale dhe më se e natyrshme", nënvizoi kreu i LSI-së. Meta u angazhua që forca politike që ai përfaqëson do të kontribuojë për një rol shumë aktiv të opozitës, shumë më të fuqishëm dhe shumë më përfaqësues për të në jetën parlamentare në muajt në vazhdim.

Qeverisja

Meta u ndal dje edhe te situata energjetike në vend, duke denoncuar papërgjegjshmërinë me të cilën qeveria vazhdon të sillet. "Jo vetëm me menaxhimin e kësaj situate, por edhe për sa u takon përpjekjeve të saj për të mbuluar këtë terr në të cilin ka rënë Shqipëria dhe ekonomia jonë, me një propagandë mashtruese", vlerësoi Meta. Sipas tij, qeveria është shprehur se ndërtimi i një linje kabllore nënujore që do të lidhë sistemin tonë energjetik me atë të Italisë, do të jetë zgjidhja e krizës energjetike në vend dhe madje duke dhënë edhe një afat deri në fund të vitit 2009. "Ndërkohë që, sipas strategjisë së përgatitur nga ministri i Ekonomisë pak javë më parë, u paraqit si afat për zgjidhjen e krizës viti 2020", tha ai. Ky premtim, konstatoi Meta, për ndërtimin e kësaj lidhjeje nënujore kabllore midis dy sistemeve energjetike të Italisë dhe Shqipërisë, ka qenë dhe mbetet një investim i rëndësishëm dhe strategjik, ka qenë jo vetëm pjesë e strategjisë së mëparshme të vitit 2003 që ka trashëguar qeveria aktuale, por ka qenë edhe pjesë e premtimeve të bëra nga ana e Kryeministrit Berisha. "Është alarmues dhe vlerësimi që bën Fondi Monetar Ndërkombëtar, me të cilin kemi ndarë shqetësime të përbashkëta prej kohësh për situatën energjetike", u shpreh kreu i LSI-së.

Basha: Gati të lë imunitetin
Polemika në Kuvend për Durrës-Kukës. Ish-ministri mbron projektin, opozita lë sallën. Braçe: Berisha, në dijeni të abuzimeve







Abuzimet e bëra në tenderët
e rrugës Durrës-
Kukës kanë qenë sërish
objekt debatesh mes deputetëve
të pozitës dhe
mazhorancës, në seancën e
djeshme parlamentare.
Nënkryetari i grupit parlamentar
të PS-së, Erjon
Braçe, ka hedhur akuza ndaj
Kryeministrit Berisha, duke
deklaruar se ky i fundit ka
qenë në dijeni të abuzimeve
që po bëheshin në kurriz të
rrugës Durrës-Kukës. Sipas
Braçes, Kryeministri Berisha
ka bërë rolin e drejtuesit të një
enti prokurues. Këtë,
nënkryetari i grupit socialist
e lidh me takimet që Kryeministri
Berisha ka bërë me përfaqësuesit
e kompanisë
turke, pak ditë para se të shpallej firma
fituese për segmentin Rrëshen-
Kalimash. Numri dy i grupit të PSsë,
duke folur për skandalet e kësaj
rruge, tha se Kryeministri ka
përgjegjësinë më të madhe, për atë
çka ka ndodhur në këtë aferë me
korruptime, duke treguar me fakte,
ai pohoi se prokuroria duhet ta drejtojë
këtë hetim edhe ndaj kreut të
qeverisë. Braçe i ka kërkuar qeverisë
dhe Kryeministrit, emrin e një kompanie,
që do të bënte konsultimin
e gjithë procedurave të prokurimit,
por edhe ndërtimit të rrugës Durrës-
Kukës. "Drejtuesit e Bankës
Botërore", është shprehur deputeti
Braçe "kanë kundërshtuar financimin
e segmentit rrugor Rrëshen-
Kalimash, pasi mungonte projekti".
Kjo është një nga pikat kyçe të gjithë
kësaj ngjarjeje. Kjo është një nga
akuzat themelore nga prokuroria
lidhur me qeverinë dhe me kryeministrin".
Braçe i ka kërkuar prokurorisë
nga foltorja e Kuvendit që t‘i drejtojë
hetimet edhe nga Kryeministri i
vendit, i cili sipas numrit dy të grupit
të PS-së, "duhet të japë sqarime për
gënjeshtrat dhe për dijeninë e tij".
Basha
Nënkryetari i grupit të PS-së nuk
e ka lënë çështjen e rrugës Durrës-
Kukës me kaq. Ai ka akuzuar sërish
ministrin Basha për abuzimet e tij
dhe e ka kritikuar për mosrespektimin
e ligjit nga ana e ministrit, i cili
ka refuzuar paraqitjen e tij në
prokurori, për të dhënë sqarimet
përkatëse. Këto sqarime Basha është
munduar t‘i jepte dje në një interpelancë
të kërkuar nga deputeti i
PD-së Ferdinand Xhaferri, e cila është
kundërshtuar nga opozita. Braçe
ka deklaruar se kjo nuk është e
ligjshme, pasi ky ministër është
kërkuar para tri ditësh në interpelancë
nga opozita dhe ai nuk është
paraqitur. Gjatë interpelancës së
Bashës, opozita është larguar nga
salla, duke përjashtuar kryetarin e
PAD-së Ceka.
Mbrojtja e Bashës
Gjatë interpelancës së tij në Kuvend,
ish-ministri i Transporteve, aktualisht
ministër i Jashtëm, Lulzim
Basha, deklaroi gatishmërinë e tij për
të firmosur nismën "Për kufizimin e
imunitetit dhe kushtet për autorizimin
për ndjekje penale". Ai ka theksuar
se jo vetëm e mbështet këtë
nismë në funksion të asaj që quhet
transparencë në luftë kundër korrupsionit,
por edhe është i bindur që një
lëvizje e tillë do t‘i shërbejë maksimalisht
pastrimit të imazhit të Kuvendit
dhe punës së ligjit, i cili ka ngrirë prej
tetë apo dhjetë vjetësh, kur bie fjala
për ndjekje penale të zyrtarëve apo
ish-zyrtarëve. "Nuk më mbetet gjë
tjetër veçse të përsëris, që me
ndërgjegje të pastër dhe të qetë do të
jem ndër të parët që do ta firmos këtë
nismë. Po ashtu, u bëj thirrje kolegëve
të opozitës t‘i bashkëngjiten kësaj
nisme dhe në tërësi, ky grup opozitar,
ish-pushtetar, pa ndrojtje dhe pa
frikë nga drejtësia, të bjerë dakord për
kufizimin apo dhe heqjen e imunitetit
të deputetëve dhe zyrtarëve të
tjerë", ka deklaruar Basha, duke mos
pranuar asnjë nga akuzat që opozita
ka bërë ndaj tij deri më tani.

Balla-Bashës


"Hajde të firmosim së bashku lënien e imunitetit"


Deputeti i Partisë Socialiste, Taulant Balla, ndërmori
dje një gjest politik në sallën e Kuvendit. Ai kishte
përgatitur një shkresë ku deklarohej lënia vullnetare e
imunitetit të deputetit për Lulzim Bashën. Njësoj si
kjo shkresë, deputeti Balla kishte përgatitur një tjetër
që mbante emrin e tij. Pasi mori fjalën në seancë, ai
ftoi ministrin e Jashtëm Lulzim Basha që të firmoste
mbi atë deklaratë, duke siguruar se do bënte vet të
njëjtin veprim bashkë me ministrin. Tentativa e Ballës
mbeti pa përgjigje për shkak se nuk u pasua nga ky
veprim i ministrit që së fundi është akuzuar prej
opozitës për çështjen e rrugës Durrës-Kukës.

Meta dhe Braçe, sulm ish-kreut socialist Fatos Nano

Kryetari i LSI i kujton të shkuarën ish-rivalit të tij politik





Kritikat ndaj Fatos Nanos
kanë bashkuar kreun e
LSI-së, Ilir Meta, dhe
nënkryetarin e grupit
parlamentar socialist, Erion
Braçe. Kreu i Lëvizjes Socialiste
për Integrim kujtoi tragjedinë e 9
janarit, duke thënë se Nano, jo
vetëm që nuk i dha dorën pas
lajmërimeve të bëra në "Top
Channel", por përkundrazi i la të
vdesin nga të ftohtit vetëm pak
milje larg bregdetit tonë. "Ku më
pas mësuam se ai ndodhej në
Stamboll, ku qeshte dhe shfrynte
veset e tij, nuk denjoi të ngushëllonte
as familjarët e viktimave",
theksoi Meta. Sipas tij, Nano kujton
se populli shqiptar harron,
por gabohet tepër rëndë. "E
gjithë Shqipëria dhe Kosova e kujton
ditën tragjike ku humbën
jetën në një aksident disa të rinj
në Fushë-Arrëz, ai edhe pse ishte
këtu, jo vetëm që nuk denjoi të respektonte
viktimat, por u nis
urgjent në Selanik me pretendimin
se ishte sëmurë. "Pra ky njeri
duhet ta kuptojë se historia nuk
mund të përsëritet sikurse ai
dëshiron. Këto ditë në fakt është
vendi i tragjedi-komedisë Fatos
Nano", paralajmëroi Meta. Ajo, shtoi
Meta, nisi në dhjetor të vitit
2003 me Kongresin e Kongresmenëve
dhe me atë votim absurd,
me atë përjashtim stalinist të paparë
në politikën shqiptare,
përveçse në vitin 1992 me Sali Berishën
me Partinë Demokratike,
dhe përfundoi dje me nostalgjinë
e disa ish-drejtorëve për privilegjet
e tyre. "Ju thoni se Fatos Nano
na ka akuzuar se ne jemi humbësit
e mëdhenj të zgjedhjeve të shkurtit.
Po kush na akuzon? Një njeri që
bëri hapur fushatë me Berishën
dhe me Olldashin kundër opozitës
dhe Edi Ramës", kujtoi Meta. Me
ndihmën e Nanos, tha ai, Berisha
arriti t‘i paracaktonte zgjedhjet në
zyrën e Ministrisë së Brendshme
dhe te Zyrat e Gjendjes Civile. "Ju
pyesni se a mund të krijojë Fatos
Nano parti të re? Unë ju siguroj që
jo. Sepse ai nuk është kreativ dhe
nuk është krijues, por përkundrazi
është kopjues", u shpreh Meta.
MSA-ja, nënvizoi ai, nuk mund të
firmosej për shkak të korrupsionit
galopant që instaloi Nano, ndaj
kreu aktual i LSI-së dha
dorëheqjen nga qeveria. "Ju pyesni
a është Nano pjesë e opozitës.
Unë mund t‘ju them se ai ka kohë
që është pjesë e mazhorancës së
Sali Berishës", tha Meta. Nënkryetari
i grupit parlamentar të Partisë
Socialiste, Erion Braçe, vlerësoi se
deklaratat e fundit të Fatos Nanos
janë një zgjatim i politikës
joefikase, që nuk garanton
opozitë. Sipas tij kjo është një politikë
që nuk garanton bashkim me
aleatët, gjë që përbën edhe një nga
kushtet kryesore që shqiptarët
kanë vënë para socialistëve. "Grupi
parlamentar i PS-së ka një axhendë
mjaft të qartë dhe diametralisht
të kundërt me atë të zotit
Nano, ashtu siç ka edhe një platformë
dhe një projekt politik diametralisht
të kundërt me atë që
u tha", insistoi Braçe. Platforma e
socialistëve, konstatoi ai, ka të bëjë
me një dialog intensiv me shqiptarët
për të ofruar një opozitë
intensive, një opozitë që është
shprehëse e interesave të shqiptarëve
dhe jo e interesave të
individëve dhe klaneve të ndryshme
që kanë drejtuar politikën
shqiptare prej 15 vitesh.